أحسن 10 كافيهات في مدينة القاهرة the best 10 coffee shop in Cairo

Descriptions

أنتيك خانة

في أجواء مليانة بالتحف والأنتيكات، بيعتبر الكافيه ده مكان مثالي للخروجات والاستمتاع بأكلات لذيذة. ممكن تطلب هناك وجبة عشاء من البيتزا، وفي نفس الوقت تستمتع بموسيقى الجاز أو بالأغاني الكلاسيكية الجميلة. ولو إنت بتحب الأنتيكات، هتلاقي كمان بعض التحف المعروضة للبيع.

المكان: ٨ شارع البرازيل، الزمالك

https://www.facebook.com/antiquekhana/

كافيه كورنيش

الكافيه ده موجود جوه فندق سميراميس إنتركونتيننتال، وده ميزة تانية إنك تستمتع بفيو روعة على النيل. لكن، مافيش شك أنك هتدفع مبلغ محترم علشان تستمتع بالمنظر ده! الكافيه ده بيقدّم أكلات خفيفة زي السوشي، وكمان الحلويات هناك مميزة جدًّا ولازم تجرّبها من غير تفكير!

المكان: كورنيش النيل، وسط البلد

http://semiramis-intercontinental-hotel-cairo-11511.hotel-ds.com/en/

سيلانترو

هتلاقي سلسلة فروع سيلانترو تقريبًا في كل حتة في القاهرة، والفروع دي بتعتبر مكان بديل للكافيهات والعلامات العالمية المشهورة اللي كلنا عارفينها. ومع الأسف، أسعارها عالية شوية، بس اطلب مِن هناك “لاتيه فرابيه” وتقريبًا هتِدمِنه ومش هتطلب غيره كل مرة تروح فيها هناك!

المكان: فروع سيلانترو في كل حتة في القاهرة

http://www.cilantrocafe.net/

كوفي كورنر

يستحق الكافيه ده إنك تجرّبه مش بس علشان مفتوح ٢٤ ساعة، لكن علشان جودة قهوته العالية كمان. الكافيه ده مشهور بالكابتشينو بتاعهم، وشعار المكان: “قهوة هتلاقيها دايمًا زي ما بتحبّها!” وبيقدّموا كمان قهوة “إيلي” الإيطالية اللي كلنا عارفينها مع ساندويتشات وحلويات لذيذة.

المكان: ٢١ شارع ٢٣٣، المعادي

https://www.facebook.com/CoffeeCorner.EG/

الفيشاوي

مِن أقدم القهاوي في القاهرة، وأحسن مكان تتفرّج فيه على اللي رايح واللي جاي في منطقة خان الخليلي في الحسين. وهتلاقي هناك سوّاح كتير جدًّا طول اليوم قاعدين عليها، بس أحسن وقت تستمتع فيه هناك هيكون بالليل، رغم إن المكان فاتح ٢٤ ساعة.

المكان: حارة الفيشاوي، خان الخليلي

القهوة خان

أهم حاجة بتميّز الكافيه ده قعدته الحلوة وسط الزرع والحدائق، وفي قلب القاهرة كمان. هتلاقي في المكان المريح ده أحلى قهوة وكمان ممكن تلعب مع أصحابك طاولة وإنت بتسمع موسيقى خفيفة. ننصحك إنك تستمتع بالأجواء بتاعته وإنت بتفطر أو بتشرب قهوتك الصباحية في أيام أجازتك الأسبوعية.

المكان: ٢٥ شارع عرابي، المعادي

https://www.facebook.com/Elqahwa.khan/

إسبرسو لاب

لو عايز قهوة إسبرسو سريعة، طلبك هتلاقيه هناك، ولو عايز كمان قهوة حسب ذوقك، طلبك برضه هتلاقيه هناك؛ ممكن تحضّر أجمل إسبرسو تختارها من ٦ أنواع مختلفة من القهوة، وبعدها ممكن تجهزها على الطريقة اللي تحبّها، سواء كانت متلّجة أو مغلية!

المكان: مول بوينت ٩٠، القاهرة الجديدة

http://espressolab-eg.com/

كافيه جريكو

المكان ده بيقدّم إنترنت مجاني وقعدات خارجية في الهواء الطلق وكمان قعدات داخلية في مكان مكيّف. وطبعًا يستحق الكافيه ده إنه يتواجد في قائمتنا رغم المنافسة الشديدة بينه وبين كافيهات تانية في القاهرة. ماتنساش تجرّب عندهم الحلويات والكوكيز!

المكان: ٩ شارع ٦٤، المعادي

https://www.facebook.com/Cafe-Greco-176622889204550/

كافيين

بيعتبر الكافيه ده ملجأ لأي حد عايز يهرب من دوشة وسط البلد، وهناك كمان حوائط مزيّنة باللوحات والرسومات والأعمال الفنية. وبالليل بتكون المفاجأة الكبيرة، هتلاقي حفلات جاز هتطرب ودانك، لكن في المجمل القهوة اللي بيقدّموها هي أفضل حاجة هناك!

المكان: ٢٨ حارة وسط البلد، شارع شريف، وسط البلد

https://www.facebook.com/kafeinegypt/

صوفي

المكان ده عبارة عن مكتبة وكافيه في نفس الوقت؛ يعني هتقرى اللي بتحبه من الكتب العربية أو الإنجليزية، مع الاستمتاع بقعدة حلوة فيها مزيكا صوفية وساندويتشات وأطباق باستا وكمان كيك الشيكولاته اللذيذة، وده طبعًا مع شرب القهوة الجميلة.

المكان: ١٢ شارع سيد البكري، الزمالك

https://www.facebook.com/Sufibookstoreandmore/

🌟 🌟 🌟 🌟 🌟